Colabora na autogestom!

Triodos Bank: ES06-1491-0001-2120-2936-2023

Titular: Associaçom Cultural OPAíí!! [Ondas Para Ativaçom da Informaçom Independente]

Mostrando postagens com marcador Canido. Mostrar todas as postagens
Mostrando postagens com marcador Canido. Mostrar todas as postagens

07 abril, 2019

Programa especial - Pecha Kucha Electoral en Canido, Ferrol 2019

O 6 de abril de 2019, no Centro Cívico de Canido, celebrouse o primeiro Pecha Kucha de Canido, un evento que congregou a moitas persoas e no que interviron oito dos candidatos e candidatas alcaldables á cidade de Ferrol neste ano electoral.

Tamén podes escoitalo e descargar o audio en Archive.org

10 fevereiro, 2019

FilispiM Vai ao CEIP Cruceiro de Canido 29-01-2019


O pasado martes 29 de xaneiro, Radio Filipim achegou o seu estudio, nun novo programa do FilispiM Vai, ao centro educativo CEIP Cruceiro de Canido para falar con toda a comunidade educativa que traballan dende este colexio por e para os/as nenos/as. Durante dúas horas falamos co profesorado dos proxectos nos que anda involucrado, das súas actividades, das necesidades e de todo aquelo que acontece dentro das paredes deste coelxio.

09 abril, 2018

Contas do X Conspirando por umha Rádio Livre do 29-03-2018

Pedimos colaboraçom e participaçom para realizar o VIII Conspirando por umha Rádio Livre a grupos, ouvintes, soci@s, público, e ajudar à financiaçom da rádio sem ter que depender de ninguem nem estar subordinadas a nadasomos livres graças a vos.
 
Aquí tendes as contas do VIII Conspirando por umha Rádio Livre que se celebrou este ano 2018:

30 março, 2018

X CONSPIRANDO POR UNHA RADIO LIBRE, xoves 29 de marzo , 12:00 am, Centro Cívico Canido (Ferrol).


CONSPIRANDO POR UNHA RADIO LIBRE, este xoves en Canido.
Este xoves 29 de marzo, o Colectivo Opaii! – Rádio FilispiM celebrará a X edición do “Conspirando por unha radio libre” coa actuación de Oscar Fojo, compositor e letrista de “El Viejo Caracol” , “Blah!” e integrante das míticas bandas locais: Zinza, Morecegos, Retobato e Os Derradeiros. Actualmente, ultima a gravación do seu primeiro disco en solitario, “De ventos e lúas”.

Dende as 12:00 do mediodía, a radio libre e comunitaria de Trasancos apresentará a toda a comunidade o seu novo estudio no Centro Cívico do bairro alto de Ferrol, Canido. Ademáis, no transcurso do festival haberá radio ao vivo con entrevistas, photocol, sorteo de camisolas de Rádio FilispiM e riquísimos petiscos...

Se ben o “Conspirando” se emitirá no 93.9 da FM, o Colectivo Opaii! convida a todas a sumarse á festa da radio libre no Centro Cívico de Canido.

Rádio FilispiM, nacida libre.
--
Audio promo X Conspirando:

Colabora na autoxestión de Rádio FilispiM: Triodos Bank, ES06-1491-0001-2120-2936-2023. Titular: Colectivo OPAíí!! [Ondas Para Activación Información Independente - Rádio Filispim].

22 fevereiro, 2018

Rádio FilispiM muda a súa ubicación e suspende temporalmente as emisións ao vivo

Hoxe 22 de febreiro de 2018 chega un momento moi agardado por nós e os colectivos e persoas afíns: o traslado do estudio de Rádio FilispiM. Non é a nosa primeira mudanza, pois as reformas do edificio do Ateneo Ferrolán, a nosa primeira casa desde o verán de 2005, obrigáronnos daquela a procurar unha nova ubicación. A Asociación Cultural Fuco Buxán, partícipe na nosa grella de programas, cedeunos o local que abandonaban na traseira do mercado de Caranza e así este barrio foi a nosa segunda casa desde setembro de 2010.
 Por cuestións de seguridade, de comodidade e técnicas, deveciamos por abandonar un local no que desde hai tempo resistiamos en condicións penosas e mesmo perigosas. Nos últimos anos procuramos algún local acorde coas nosas necesidades para revitalizalo e por fin, grazas á Asociación de Veciños de Canido e a Muíño do Vento, comezamos ver a luz. Tanto nós como as dúas asociacións coincidiamos na opción de levar Rádio Filispim ao Centro Cívico de Canido, un edificio moderno, ben ubicado e infrautilizado. Esta mudanza contribuiría á dinamización das asociacións, do Centro Cívico de Canido, deste barrio e da cidade. Finalmente, as conversas entre os tres colectivos e o Concello de Ferrol, o estudo de orzamentos e unha posterior aprobación de gastos pola nosa asemblea concretáronse no comezo desta nova etapa.


Marchamos con ilusión e optimismo a outro barrio senlleiro da cidade. Confiamos nun cambio beneficioso para nós e para a comunidade. Gozaremos dunha mellor cobertura do noso sinal. Teremos unhas condicións dignas e atractivas para a participación de todas as persoas que entenden este proxecto comunitario. Creceremos coma o que desde sempre quixemos ser: un servizo útil e próximo para voces que teñen presenza nula, escasa ou terxiversada nos medios públicos, privados e comerciais.
Só podemos terminar por insistir no noso agradecemento ás entidades mencionadas e berrar un “Opa, Canido!”, “Opaí, Radio FilispiM!
O Colectivo Opaíí-Rádio FilispiM

09 dezembro, 2017

UNHA TARDE NO MUÍÑO

Programa Nº 6. Luns 4 de decembro de 2017

Escoitando Barrio Alto, interpretado por Carlos do Carmo, comeza a emisión do programa, para dar paso a Roberto Taboada, presidente da Asociación Veciñal que informa sobre as novas que estes días están pasando en Canido. Salientar as referencias ao pasamento do antigo presidente da Asociación de Veciños, Sr. Prego e tamén o resumo do emotivo acto, homenaxe a Antón Varela con motivo da inauguración do monumento e nomeamento do parque que agora leva o seu nome. 

Libros, creadores e lectores foi o cerne do faladoiro da segunda parte do programa. Como invitados participaron Antón Cortizas, Henrique Dacosta e Rafa Aguirrebengoa.
Debate de Antón e Henrique arredor do proceso de creación dunha obra literaria. O autor diante da folla en branco , os motivos que levan á dedicación de escribir, os premios, o sentimento íntimo diante da obra rematada, os autores e as influencias externas… Voaron palabras de dous recoñecidos autores de Canido con obras universais.

E logo a recreación que da obra do creador fai o lector. Rafa achegounos ao amor que sempre sentiu polos libros e as súas lecturas, dende o Julio Verne da súa infancia ata os miles de libros que hoxe le e coida con agarimo. Tamén informa Rafa da biblioteca que  están formando en Muíño do Vento. Biblioteca feita con doazóns e coa especificidade de ter preto de dous mil libros en galego ou con temática relativa a Galicia. Esta Biblioteca pasará a formar parte, xunto cos fondos que aporte a Asociación Veciñal, dunha única  Biblioteca de Canido.
George Moustaqui despediu o programa nº 6.

UNHA TARDE NO MUÍÑO

Programa Nº 4. Luns 6 de novembro de 2017

Programa que tiña como finalidade escoitar novas ideas e novas propostas  aportadas por novos realizadores do audiovisual de Galicia e tamén escoitar novas ideas e novas propostas dende a mocidade que hoxe está nos nosos Institutos. 
A canción Carteiro em Bicicleta de Joao Afonso foi motivadora para a presentación dos participantes. 
Para falarnos do mundo do Audiovisual galego contamos con Brais Romero e Antón Rodríguez, realizadores e recoñecidos novos valores do mundo audiovisual galego. O mundo da mocidade estudantil estivo representado por Carla Mosquera, Cristina Vidal e Verónica Vázquez.

Expuxeron Brais e Antón as súas apreciacións  sobre a definición, situación, produción,… do audiovisual no noso País. Asemade propostas sobre encontros e festivais, a distribución, uso da Lingua e a implicación das Administracións …

Carla, Cristina e Verónica, alumnas do IES Canido, nunha linguaxe clara e directa aportáronnos a visión dunha xuventude vital e lonxe de estereotipos.

Das  Wander do compositor Schubert foi a música de despedida desta cuarta emisión

UNHA TARDE NO MUÍÑO

Programa Nº 3. luns 23 de outubro de 2017

Abriuse esta emisión escoitando o 1º movemento da Sinfonía nº 2  Nas montañas de Galicia  do compositor Andrés Gaos. 

Música que, unha vez presentados os convidados Roberto Taboada, Camilo Casal e Paulino Gasalla, serviu para abrir os novos obradoiros de medio ambiente e historia. 

Roberto Taboada falou das novas da Asociación Veciñal de Canido, 
Pasouse logo a debater entre os presentes a situación pasada a semana anterior, cando o lume arrasou 35.000 hectáreas dos montes galegos.

Camilo Casal continúa o obradoiro medioambiental. Respostas a moitas preguntas sobre un tema tan actual como é o cambio climático, causas e consecuencias.

Paulino Gasalla dende o Obradoiro de historia, achegounos a figura de Alejandro Porto Leis e todo o laborioso proceso de investigación arredor do que foi último Alcalde Democrático do Concello de Serantes. Traballo de investigación que deu como resultado un documental, O segredo da Frouxeira, e un libro Alejandro Porto Leis. Un Alcalde para o pobo en tempos escuros, editado pola ASC Muíño do Vento.

Remate da emisión escoitando o poema Ergueremos a Espranza de Celso E. Ferreiro  na voz de Suso Vaamonde.

 

UNHA TARDE NO MUÍÑO

Programa Nº 2. Luns 9 de outubro de 2017

Programación arredor do Urbanismo que contou coa presencia de Roberto Taboada, presidente da Asociación Veciñal de Canido, María Fernández Lemos, Concelleira de Urbanismo en Ferrol, Juan Ares Gondell, enxeñeiro Industrial de Urbanismo no Concello de Ferrol e Andrés Santalla, profesor do IES Canido e coñecedor e divulgador da figura de Tonucci. Presenta Roberto Taboada as novas actividades que se están a realizar na Asociación Veciñal e pásase ao debate sobre Urbanismo.

Dende unha visión das novas tendencias no urbanismo universal, pasando polo urbanismo en Galicia e Ferrol, ata chegarmos ao debate arredor do urbanismo no barrio de Canido. Da necesidade de achegar o urbanismo as novas tendencias internacionais, de aplicar en Galicia as medidas necesarias para a corrección de desfeitas urbanísticas, das apostas sobre un urbanismo ferrolán que sen esmorecer no pasado teime por un urbanismo do noso século, ata as propostas para o barrio de Canido (comunicación que permita mobilidade e encontro do barrio co Centro, posibles aparcadoiros, Casa Chalé, Antiga Residencia, Centro Cívico, Rúa Celso Emilio, Novo Parque Antón Varela…). Necesidades dun Barrio que necesita dun novo Plan Urbanístico continuador do Urban.

Presentación do Camiños Escolares e a necesidade de incluír esta proposta nunha nova visión urbanística centrada nunha Cidade para os Nenos.

Na Rúa do Silenzo, Alalá das Mariñas, Os meninos de Huambo (con recitado de Magdalena, alumna do IES Canido) formaron o acompañamento musical deste programa.



08 dezembro, 2017

UNHA TARDE NO MUÍÑO

Programa nº 1. luns 25 de setembro de 2017


Primeiro programa que tiña como obxectivo fundamental a presentación da ASC. MUÍÑO DO VENTO e explicar as razóns desta nosa presencia en Radio Filispím.

Contamos para elo coa asistencia no estudio da presidenta, Carmen Cuesta e dos vogais Rafael Rodríguez e Roberto Taboada. Presentou César Pita e na parte técnica estiveron Pepa Evia, María Xosé Ballesteros, e supervisión e apadriñamento de Fran.

Pequena introdución musical, O barco vai de saída, e pasouse ao debate entre os asistentes sobre a necesidade de lograr outra información que vaia máis aló da que acotío nos dan os medios convencionais. Chégase a conclusión da necesidade de estar sempre naqueles medios informativos libres, colaborando e prestando canta axuda sexa necesaria. Outra información é posible e agora mesmo imprescindible.

Preséntanse as programacións de Muíño do Vento e coas raíces na Terra, inxírense estas programacións no barrio de Canido.

ASC MUÍÑO DO VENTO agradece a Radio Filispín esta posibilidade de espallar as súas programacións  dende o seu dial (93.9)  e expresa os seus desexos de longa vida á Radio Libre e Comunitaria da Terra de Trasancos.

Pechamos debate, pechamos portas e xanelas do Muíño e despedímonos con Fausto e a súa proposta de.... Navegar, navegar

07 maio, 2017

FilispiM Vai a Canido o 5 de Maio de 2017


Escoita o programa de radio ao vivo no que contamos con asociacións e persoas que viven e teñen o seu centro de actividades neste barrio mítico da cidade de Ferrol, Canido.


O Venres 5 de Maio ás 18:00h no vestíbulo do Centro Cívico de Canido, falamos con representantes da A.V.V., da Asoc. Muiño do Vento, con persoas que levan toda a súa vida no Barrio e persoas que chegaron doutras partes e quedaron en Canido por amor ou por negocios, con o Clube de Montaña de Ferrol, con a SGHN, e muitas outras persoas, falamos da Festa dos maios, das meninas e novos proxectos, non o perdas.



02 maio, 2017

FilispiM Vai a Canido o Venres 5 de Maios


Escoita e mira a gravación dun programa de radio ao vivo no que contaremos con asociacións e persoas que viven e teñen o seu centro de actividades neste barrio mítico da cidade de Ferrol. O Venres 5 de Maio ás 18:00h no vestíbulo do Centro Cívico de Canido, Ferrol. 

O programa emitirase no 93.9 da FM e por internet, o Sábado 7 de Maio ás 19:00h.


Axúdanos a compartir este evento nas redes sociais!!
Related Posts with Thumbnails